प्रेम गीत’ जोडी अभिनेता प्रदीप खड्का र अभिनेत्री पूजा शर्माबिच झण्डै दश वर्षपछि मिडियामै पुर्नमिलन भएको छ । शनिबार राजधानीमा आयोजित एक अवार्ड समारोहमा प्रदीप र पूजाले आफुहरुबिच कुनै पनि असमझदारी नरहेको र फेरी काम गर्ने वचन दिए ।
समस्याग्रस्त त्यस्तो केही पनि होइन्’, ‘पुजार सार्की’का मैतबहादुरले भने, ‘ऊ आफ्नो हिसाबले काम गरिरहेको थियो, म आफ्नो हिसाबले काम गरिरेको थिएँ । हामी काममा पनि व्यस्त थियौं । त्यही भएर हो, यो समयको कुरा हो ।’ यता पूजाले चाहिं प्रदीपसँग प्रेम गीत सुटिङकै बेला भएको मनमुटाव प्रति क्षमा मागिन् । प्रदीपले पनि त्यो ठुलो विषय नरहेको भन्दै सरी पुजालाई सरी भने ।
सम्भवतः प्रदीप र पुजा चाँडै नै नयाँ फिल्ममा एकसाथ अभिनय गर्दैछन् । निर्देशक सुदर्शन थापाले एक्टर खड्कासँग नयाँ फिल्मको गर्ने सम्झौता गरिसकेका छन् भने पुजा र प्रदीपले निर्देशक थापाको निर्देशन अनुसार नयाँ फिल्ममा आफु प्रस्तुत हुने बताए ।
प्रदीप अभिनित फिल्म ‘पुजार सार्की’ दोश्रो सातामा सफलताका साथ प्रदर्शन भैरहेको छ । उनको अर्को फिल्म ‘एक्टर’ पनि छायाँकनमै छ । प्रदीप ‘ऐरी’, ‘एक्लो’ र ‘पिताम्बर’मा पनि अनुबन्धित भएका छन् ।’
पुजा अभिनित उपहार गत साल प्रदर्शनमा आएको थियो भने उनको शिर्ष भूमिका रहेको फिल्म दान्भी असार ७ गतेदेखि प्रदर्शनमा आउँदैछ । उनको निर्माण तथा अभिनय रहेको रावायण छायाँकनमा छ ।
अब प्रतिक्षा, ‘प्रेम गीत’पछि प्रदीप र पुजाको नयाँ फिल्म । कहिले आउला त प्रेम गीत जोडीको नयाँ फिल्म ?
Discussion about this post