आज सुनको भाउमा गिरावट सुन कति घट्यो ?

आज असोज २४ गते बुधबार सुनको भाउ सामान्य गिरावट आएको छ । उक्त दिन सुन प्रतितोला १०० रुपैंयाले घटेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ८ हजार ८०० रुपैयाँ र तेजाबी सुन प्रतितोला १ लाख ८ हजार ३०० रुपैयाँ कायम भएको छ।

अघिल्लो कारोबार दिन मंगलबार छापावाल सुन प्रतितोला १ लाख ८ हजार ९०० रुपैयाँ र तेजाबी सुन १ लाख ८ हजार ४०० रुपैयाँमा कारोबार भएको थियो।

त्यसैगरी आज चाँदीको भाउ स्थिर रहँदै तोलाको १ हजार ३४० रुपैयाँ कायम भएको छ। मंगलबार पनि चाँदी १ हजार ३४० रुपैयाँमा कारोबार भएको थियो।