आज स्वदेश फर्किइन् रजत पदक विजेता एरिका ,काठमाण्

२०औं सिनियर एकेएफ च्याम्पियनसिपमा ऐतिहासिक रजत पदक विजेता एरिका गुरुङ स्वदेश फर्किएकी छिन् ।

मंगलबार स्वदेश फर्किएकी उनलाई राष्ट्रिय खेलकुद परिषद्‌का पदाधिकारीले विमानस्थलमा स्वागत गरेका छन् ।चीनमा आइतबार भएको ६८ केजीमाथिको तौल समूहको फाइनलमा उनी भियतनामकी एनगोवान नुगेनसँग हारेपनि देशलाई रजत पदक दिलाएकी थिइन् ।यसअघि एसियन सिनियर कराते च्याम्पियनसिपमा कुनैपनि नेपाली खेलाडी फाइनल पुग्न सकेका थिएनन् ।

एरिका एसियन गेम्सकी पनि रजत पदक विजेता हुन् ।