गर्मी मौसममा घमौरा सबैको लागि समस्या हुन्छ । घमौरा एक किसिमको छालाको रोग हो जुन पसिना९ग्रन्थीहरूले छालाको मुनि जमेको पसिनालाई सोस्नाले गर्दा निस्कन्छ। घमौराले सबै उमेर समूहका मानिसहरूलाई असर गर्छ तर पनि यो विशेष गरी बालबालिका र शिशुहरूमा पसिना ग्रंथिहरूको विकास नभएको कारणले बढी देखिन्छ।
अत्यधिक पसिना र ब्याक्टेरियाको संक्रमणले पनि घमौराको समस्या निम्त्याउँछ। घमौराले चिलाउने, पोल्ने गर्दछ । कहिलेकाहीँ समस्या यति बढ्छ कि व्यक्तिलाई उठ्न र आरामसँग बस्न पनि गाह्रो हुन्छ।
अधिकांश मानिसको कम्मर, ढाड, घाँटी, अनुहार, हात खुट्टा र तिघ्रामा घमौरा आउने गर्दछ। यस्तो अवस्थामा यदि तपाई पनि यी घमौराबाट हैरान हुनुहुन्छ भने जान्नुहोस् यी घरेलु उपायहरु जसले गर्मीबाट बच्न सकिन्छ ।
घमौराबाट कसरी छुटकारा पाउने:
बरफ उपयोगी हुनेछः घमौराबाट राहत पाउन बरफ प्रयोग गर्न सकिन्छ। तपाईंले घमौरामा बरफ रगड्न सक्नुहुन्छ। यसो गर्नाले घमौराले हुने जलन र चिलाउने समस्या कम हुनुका साथै छालामा आराम भएको महसुस गर्न सक्नुहुनेछ।
चन्दनको पेस्टः चन्दनको पाउडर वा चन्दनको पेस्टले घमौराबाट राहत प्रदान गर्न सक्छ। चन्दनले शरीरको तापक्रम घटाउन मद्दत गर्छ । यस्तो अवस्थामा चन्दनको पाउडर र गुलाबजल मिसाएर घमौरामा पेस्ट लगाउन सक्नुहुन्छ। यस पेस्टलाई घमौरामा लगाउनुहोस्, यसलाई सुक्न दिनुहोस् र त्यसपछि यसलाई धुनुहोस्।
मुलतानी मिट्टीः मुल्तानी मिट्टीलाई घमौराका लागि रामबाण औषधी मानिन्छ । मुलतानी मिट्टी भिजाएर पेस्ट बनाउनुहोस्। यस पेस्टलाई घमौरामा लगाउनुहोस् र यसलाई १५ मिनेटसम्म राख्नुहोस् र त्यसपछि यसलाई धुनुहोस्। मुलतानी मिट्टीको प्रयोगले छालाको सुनिएको र जलन कम गर्छ र छालामा शीतल प्रभाव प्रदान गर्दछ।
एलोभेराः एलोभेरालाई छालामा लगाउनाले घमौराको मात्र हट्दैन तर छालामा हुने चिलाउने र जलन पनि हटाउँछ। तपाईं घमौरामा ताजा एलोवेरा पल्प लगाउन सक्नुहुन्छ वा एलोवेरा जेल प्रयोग गर्न सक्नुहुन्छ। यसलाई १५ मिनेटसम्म छालामा लगाउनुहोस् र त्यसपछि धुनुहोस्।
यसका साथै नीमको बोक्रा घमौरा आएको ठाउँमा दल्दा पनि राहत मिल्छ । अथवा पानीमा नीमका पात राखेर उमाल्ने र सेलाएपछि त्यही पानीले नुहाउने । यसो गर्दा पनि घमौरा घट्दै जान्छ ।
–तुलसीको डाँठलाई चन्दनजस्तै गरी घोटेर यसको लेप घमौरा आएको ठाउँमा दल्नाले राहत मिल्छ ।
–लसुनको पोटीलाई पिसेर लेप बनाई घमौरा आएको ठाउँमा दल्दा केही दिनभित्रै घमौराबाट मुक्ति मिल्छ ।
Discussion about this post