सामान्यतया गर्मीमा राहत पाउन सबैले चिसो पानी पिउने गर्छन् । शरिरमा केही समस्या देखिएमा चिकित्सकहरुको सुझाव हुन्छ पानी धेरै पिउनुहोस् । दिनमा ८ गिलासभन्दा बढी पानी पिउनुपर्छ । यसले पाचनप्रणालीमा राम्रो बनाउन काम गर्छ, छाला तथा कपाल स्वस्थ राख्छ । पानीले शरिरमा रहेको अनावश्यक पदार्थहरु बाहिर निकाल्ने काम गर्छ । तर, गर्मी लाग्ने बित्तिकै मानिसहरु धेरै चिसो पानी पिउने गर्छन् भने जाडोमा पनि धेरै चिसोको पानी नै प्रयोग गर्ने गरिन्छ । जबकी धेरै चिसो पानी पिउनु स्वास्थ्यको लागि राम्रो होइन । धेरै चिसो पानीले पित्तासयलाई हानी गर्ने काम गर्छ । चिसो पानीले भविष्यमा यस्ता समस्याहरु पैदा गर्ने काम गर्छ । राहत वा आराम दिने चिसो पानी निकै स्वादिलो लाग्ने भएकाले बालबालिकादेखि वृद्धसम्म सबैको मन पर्ने पानी मानिन्छ ।
गर्मीमा चिसो पानी र अन्य धेरै चिसो पेय पदार्थ पिउनु पनि सामान्य कुरा हो तर यो स्वास्थ्यका लागि हानिकारक पनि हुन सक्छ । चिसो पानीले पेटमा रहेको बोसोलाई जल्नबाट बचाउने विज्ञहरू बताउँछन् । यस्तो अवस्थामा मोटोपन वा चाँडो तौल बढ्ने हुन सक्छ ।
धेरैजसो मानिसलाई थाहा छ कि यसले स्वास्थ्यलाई हानि पुर्याउँछ, तर पनि उनीहरू चिसो पानीको पिउँछन् । चिसो पानी पिउनुहोस्, तर यसका लागि केही कुरामा ध्यान दिनु पनि आवश्यक छ । आउनुहोस् तपाईँलाई कुन अवस्थामा वा कहिले चिसो पानी पिउनबाट जोगिनुपर्छ ।
मुटुको समस्या
धेरै अनुसन्धानहरूका अनुसार चिसो पानीले मुटुको धड्कन कम गर्छ । मुटुको चाल ढिलो हुने समस्याका कारण सास फेर्न गाह्रो हुन सक्छ। यदि कसैलाई मुटुको समस्या छ भने उसले चिसो पानी पिउनु हुँदैन ।शारीरिक अभ्यासपछि फ्रिजमा राखेको पानी पिउनुहुँदैंन
व्यायाम वा कसरत गर्दा मुटुको धड्कन निकै बढ्छ। यससँगै शरीरको तापक्रम पनि बढ्छ । यस्तो बेला चिसो पानी पिउनाले मुटुसँग सम्बन्धित समस्या मात्र नभई शरीरको तापक्रममा पनि बाधा पुग्न सक्छ ।
खराब पाचन
खराब पाचन वा पेटसँग सम्बन्धित समस्या भएका व्यक्तिहरूले चिसो पानी पिउनु हुँदैन। यदि कुनै कारणले पेट खराब छ भने, यो समयमा चिसो वा फ्रिजको पानीबाट टाढा रहनुहोस् । चिसो पानीले हाम्रो पाचन प्रणालीलाई सुस्त बनाउँछ । यसले एसिडिटी वा अन्य पाचन समस्या निम्त्याउन सक्छ ।
Discussion about this post