आइएमई लाइफ इन्स्योरेन्स कम्पनीको आइपीओ नेप्सेमा सूचिकृत भएको छ । आज नेप्से र कम्पनीबीच प्रति शेयर अंकित मुल्य १ सय रुपैयाँ कायम भएको ४ करोड कित्ता शेयर सूचिकरण सम्झौता भएको हो । उक्त शेयर आइएलआइको नामबाट सूचिकृत भएको हो । कम्पनीको शेयर विक्री प्रबन्धकमा सिभिल क्यापिटल रहेको छ ।
नेप्सेले कम्पनीलाई पहिलो शेयर कारोबारका लागि कम्पनीलाई न्युनतम प्रतिकित्ता १७६ रुपैयाँ ५३ पैसा देखि अधिकतम ५२९ रुपैयाँ ५९ पैसा सम्म रेञ्ज तोकेको छ । पहिलो कारोवारको लागि कम्पनीले वास्तविक किताबी मूल्य देखि किताबी मूल्यको तीन गुणासम्म रेञ्ज पाउने गर्छन् ।
सर्वसाधारण लगानीकर्ता(वैदेशिक रोजगारीमा रहेका नेपाली, सामुहिक लगानी कोष र कर्मचारी समेत ) मा वितरण गरिएको १ करोड २० लाख अर्थात २० प्रतिशत र कम्पनीका संस्थापक शेयरधनीहरुले लगानी गरेको २ करोड ८० लाख अर्थात ७० प्रतिशत समेत गरी जम्मा ४ करोड कित्ता सूचिकृत भएको हो ।
कम्पनीको उक्त सूचिकृत भएको शेयर धितोपत्र दोस्रो बजारमा आइतबारबाट कारोबार हुनेछ । उक्त शेयर सूचिकरण पछि दिनुपर्ने आरटिएस सेवा ग्लोबल आईएमई क्यापिटलले दिने समेत जनाएको छ ।
Discussion about this post