निद्रा के हो र शरीरलाई यो किन आवश्यक ?

मानव अरु प्राणीभन्दा धेरै सक्रिय रहने, लामो समय काम गर्ने र सफलता हात पार्ने दौडमा हुन्छ । ऊ रातदिन नभनी काममा व्यस्त रहन्छ । समयमा स्वस्थवर्द्धक खानेकुरा खान र समयमा सुत्न या निदाउँनसम्म बिर्सिन्छ । यस्तो मेहेनतबाट उसले आर्थिक र सामाजिक हैसियत त बनाउँछ तर स्वस्थ्य भने धेरैको बिग्रिसकेको हुन्छ । यसै प्रसंगमा दलाई लामाले भनेका छन्- मानिस सम्पत्ति कमाउन, समाजमा आफ्नो नाम कमाउन रातदिन नभनी काम गर्छ । समयमा खान, सुत्न, खुसी हुन,रमाउन, गहिरो निद्रा लिन बिर्सिन्छ । जब शरीर बिरामी पर्न थाल्छ त्यही कमाएको सम्पत्ति लिएर उपचारमा लाग्छ । केहि छाडेर धेरैले न जीवनको आनन्द लिन पाउँछन्, न स्वस्थ्य रहन सक्छन् । अन्त्यमा पैसा पनि सकिन्छ स्वास्थ्य पनि पूर्ण ठीक हुँदैन ।’ हो आजको समयमा धेरै मानिसको यही अवस्था छ ।