सेयर बजार १२ अंकले घट्यो कारोबार उच्च

काठमाडौँ । सेयर बजारमा आज बुधबार दोस्रो दिन पनि उच्च कारोबार भएको छ । तीव्र उतारचढावका बिच आज नेप्से सूचक २२ सय अंकमा पुगेर फर्किएपनि कारोबार भने पौने १० अर्बको भएको हो । 

नेपाल स्टक एक्सचेञ्जका अनुसार आज नेप्से सूचक १२.१० अंकले घट्दै २१६३.०६ अंकमा ओर्लिएको छ । तर, यता कारोबार भने अघिल्लो दिनको भन्दा बढी ९ अर्ब ७६ करोड ८९ लाख ६९ हजार रुपैयाँ बराबरको ३ करोड ३५ लाख २५ हजार कित्ता सेयर किनबेच भएको नेप्सेले जनाएको छ । 

अघिल्लो दिन ५४ अंकले नेप्से सूचक बढेको दिन ८ अर्ब २ करोड ३८ लाख ६२ हजार रुपैयाँ बराबरको २ करोड ३३ लाख ७० हजार कित्ता सेयर कारोबार थियो ।