काठमाण्डौ, ३१ साउन– पूर्व प्रधानमन्त्री एवं काँग्रेस सभापति शेरबहादुर देउवा पत्नी आरजु राणा देउवाले काठमाण्डौ उपत्यका अपराध अनुसन्धान कार्यालयका प्रमुख एसएसपी डा. मनोज केसीलाई सरुवा गर्न दबाब दिएकी दिएकी छन ।
आरजुले केसीलाई त्यहाँबाट हटाउन गृहमा दबाब दिएको श्रोतले जानकारी दिएको छ । केसीले लामो समय पेन्डिङमा रहेको नक्कली भुटानी शरणार्थी प्रकरणको फाइल अघि बढाएका थिए ।
केसीकै नेतृत्वमा खाँण, एमाले सचिव टोपबहादुर रायमाझी, तत्कालीन गृहमन्त्री रामबहादुर थापा बादलका सुरक्षा सल्लाहकार इन्द्रजित राई र तत्कालीन गृहसचिव टेकनारायण पाण्डेलगायत पक्राउ परेका थिए ।हाल ती सबै पुर्पक्षका लागि थुनामा छन् ।
पूर्वगृहमन्त्री बालकृष्ण खाँणलाई पक्राउ गरेको झोक फेर्न आरजुलाई केसीलाई सरुवा गर्न दबाब दिएको दाबी गृह श्रोतले जानकारी दिएको छ ।
केसी गत पुस अन्तिममा मात्र अपराध कार्यालय प्रमुखको जिम्मेवारी सम्हालेका थिए । श्रोतले भन्यो, ‘जसरी हुन्छ मनोज केसीको सरुवा हुनुपर्छ भन्ने दबाब छ’ ।
खाणलाई अपराध कार्यालयको टोलीले २७ वैशाखमा सहयोगी नरेन्द्र केसीसँगै निवासबाट पक्राउ गरेको थियो । नक्कली भुटानी शरणार्थी प्रकरणमा पक्राउ परेका अभियुक्तहरूले खाणपत्नी काँग्रेस सांसद मञ्जु खाँणलाई ६ करोड रुपैयाँ बुझाएको अडियो सार्वजनिक भएको थियो ।
Discussion about this post