काठमाडौंका मेयर बालेन साहले चलचित्र आदिपुरुषमा भएकाे जानकी भारतीय छाेरी भन्ने बाक्यांश हटाउन ३ दिनको अल्टिमेटम दिएका थिए। उक्त ३ दिने अल्टिमेटम आज सकिँदैछ । तर चलचित्रबाट विवादित संवाद हटाईएकाे छैन।
उक्त सम्वाद नहटाइएपछि बालेनले काठमाडौं महानगर भित्र सबै भारतीय फिल्मको प्रदर्शन रोक्ने तयारी गरेका छन्। यसका लागि भोलिबाट काठमाडौंका सबै हलहरुमा नगरप्रहरीलाई भोलि बिहानैबाट परिचालन गर्ने योजना महानगरकाे छ।
बालेनले आदिपुरुषको विवादित संवाद हटाउन चलचित्र निर्मातासँग पहल गर्नका निम्ति सञ्चार मन्त्रालयलाई पत्राचार समेत गरेको थियो। तर, सञ्चार मन्त्रालयले अहिलेसम्म बालेनको सो पत्रको कुनै जवाफ दिएको छैन भने भारतीय निर्मातासँग कुनै पहल गरेको जानकारी पनि गराएको छैन। त्यसैले बालेनले आफ्नै तर्फबाट एक्सन लिने तयारी गरेका हुन्।
Discussion about this post