अहिले इन्टरनेट बिना मानिसहरू पानी बिनाको माछा जस्तै हुन्छन् भन्दा पनि फरक नपर्ला हरेक मानिस इन्टरनेटमा नै व्यस्त हुने गर्छन् । पछिल्लो समय धेरै कामहरू पनि इन्टरनेटको माध्यमबाट नै हुने गरेका छन् ।
यस्तो अवस्थामा इन्टरनेटमा केही समस्या आयो भने मानिसको टाउको दुख्न थालिहाल्छ । र रिस गर्दै इन्टरनेट सेवा प्रदायक संस्थामा पनि फोन गरेर गुनासो पोख्ने गर्छन् । पैसा तिरेको छ समय सकिएको छैन र मोबाइलमा इन्टरनेट चलेन भने स्वाभाविक रूपमा सबैलाई रिस उठ्न सक्छ ।
तर, कहिलेकाहीँ इन्टरनेट सेवा प्रदायकबाट नभई प्रयोगकर्ताको तर्फबाट हुने गल्तीका कारण पनि मोबाइलमा इन्टरनेटको समस्या देखिन सक्छ ।
मोबाइलमा सही रूपमा इन्टरनेट चलेको छैन भने यस्ता उपायहरू अपनाउन सकिन्छ ।
यदि आफ्नो मोबाइल फोनमा इन्टरनेट चलिरहेको छैन भने पहिला मोबाइललाई रिस्टार्ट गर्न सकिन्छ । रिसेट गर्दा नेटवर्क कनेक्सनमा भएका अस्थायी समस्या समाधान हुन्छन् र इन्टरनेट चल्न थाल्छ ।
-त्यस्तै एरोप्लेन मोडमा राखेर अन/अफ समेत गर्न सकिन्छ ।
– आफ्नो नेटवर्क सेटिङ रिसेट गर्न सकिन्छ । यसो गर्दा फोनमा भएका सबै नेटवर्क सेटिङ पूर्ववत् अवस्थामा जान्छन् । फोनमा सेटिङ, सिस्टम, नेटवर्क हुँदै रिसेट नेटवर्क सेटिङमा जाने र सेभ गरेका वाई-फाई र ब्लुटुथ कनेक्सन पनि सबै डिलिट हुन्छन् ।
-कम्प्युटरमा भाइरस भएमा पनि इन्टरनेट नेटवर्क कनेक्सनलाई स्लो बनाइदिन सक्छ । र ल्यापटप पनि घरिघरि नेटवर्क चेन्ज गर्दै एक ठाउँबाट अर्को ठाउँमा जाँदा नेटवर्क नै करप्ड हुन सक्छ। भाइरसहरू क्लिन गर्ने र नेटवर्क कनेक्सन रिसेट गर्ने र कम्प्युटरलाई रिबुट गर्ने गरे नचलेको इन्टरनेट फेरि चल्न थाल्छ ।
– यदि तपाईँको फोनमा नयाँ सफ्टवेयर अपडेट आएको छ भने इन्स्टल गर्नु राम्रो हुन्छ । किनकि नयाँ सफ्टवेयरमा विभिन्न समस्या समाधान भएर आएका हुन्छन् ।
-आफ्नो फोनको क्याश डेटा नियमित रूपमा डिलिट गर्ने गर्दा पनि इन्टरनेट राम्रोसँग चल्न थाल्छ ।
Discussion about this post