गर्मी बढेसँगै प्रायः भान्सामा साङ्ला सलबलाउन थाल्दछन् । कतिलाई साङ्ग्ला घिनलाग्दा लाग्छन् भने धेरै महिला त योसँग डराउनेसमेत गर्दछन् । साङ्ग्लाले खाना, कपडा लगायत कोठाका धेरै सामग्रीमा क्षति पुर्याउँछ ।
साङ्ला गर्मीमा एकदमै छिटो फैलन्छ । यसको सन्तान पैदा गर्ने क्षमता समेत उच्च हुन्छ । साथै यसलाई सजिलै मार्न पनि सकिँदैन । किनभने यसको टाउको छिनाइयो भनेसमेत केही दिनसम्म यो जीवित रहन सक्छ । यो प्राय: भान्साको कुनाकाप्चा, खाट, दराज आदिमा लुकेर बस्छ । यसरी लुकेर बस्ने साङ्ला भगाउन केही घरेलु विधि पनि अपनाउन सकिन्छ ।
यी उपायहरू अपनाउनु होस् :
१. साङ्ला भगाउने पहिलो उपाय हो यसलाई अनुकूल नहुने गरी घरको सरसफाइ गर्नु । किनभने सफा र उज्यालो स्थान साङ्लालाई अनुकूल हुँदैन ।
२. लसुन, प्याज र मरिचलाई बराबर मिलाएर पिसेर बनाइएको पेस्टलाई पानीमा मिसाएर घोल तयार पार्ने । उक्त घोललाई एउटा बोतलमा राखेर साङला बस्ने कुना काप्चामा नियमित छर्कने गरेमा केही समयमै साङ्लाको समस्याबाट राहत मिल्दछ ।
३. सख्खर र बेकिङ सोडालाई बराबर मात्रामा मिलाउने र साङ्लो बस्ने स्थानमा राख्ने । यसको छेवैमा थोरै पानी पनि राखिदिने । सोडा खाएपछि यसले पानी पिउँछ र मर्छ । बेकिङ सोडा यसको पेटमा गएपछि हानी पुर्याउँछ ।
बजारमा पाउने औषधिहरू
– लक्ष्मण रेखा हामी सबैलाई थाहा छ यो साङ्ला मार्ने उत्कृष्ट उत्पादन हो । यो सेतो प्याकेटभित्र चक हुन्छ । चकले धर्को घरको ठाउँ ठाउँमा कोर्ने र साङ्लाले त्यो धर्को नाघेमा मर्छन् ।
– बजारमा पाइने एन्टिरोच जेल साङ्ला भगाउने प्रभावकारी सामग्री हो । यसमा साङ्लालाई आकर्षित गर्ने तरलता भएकोले यसको सेवनले साङला मर्छन् । यो औषधि प्रयोग गर्न पनि सजिलो छ । भान्सादेखि घरको कुनाकाप्चा नछोडी यो झोल १०-२० थोपा राख्दिनुपर्छ ।
– रेड हिट कक्रोच किलर स्प्रेलेको प्रयोगले पनि साङला हटाउन सकिन्छ ।
– मोर्टिनको खुबीले घरभित्र साङ्लो मात्र नभई अन्य लामखुट्टे र कीराहरू पनि मार्न सक्छ । यसलाई बोतल एक छिन हल्लाएर साङ्ला भएको ठाउँमा छर्किनुपर्छ ।
– अर्को बेगन स्प्रेकाे पनि प्रयोग गर्न सकिन्छ । यसबाट निस्किने जेलले साङ्लालाई आफूतर्फ आकर्षित गर्छ र त्यसलाई खान बाध्य बनाइ साङ्ला मर्छ ।
तर यसमा भएको केमिकल कडा हुने भएकाले छाला, आँखा र कपडामा पार्नु हुँदैन । त्यसैले, स्प्रे छर्किँदा सावधानी अपनाउनुपर्छ । त्यस्तै, घरपालुवा जनावर, बोटबिरुवा र भाँडामा पनि पर्न दिनुहुँदैन ।
४. पानीमा डिटर्जेन्ट घोलेर साबुनको घोल बनाउने । यसकालागि कुनै पनि साबुन प्रयोग गर्न सकिन्छ । यस घोललाई स्प्रेको माध्यमबाट साङ्ला बस्ने ठाउँमा छर्कनुपर्छ ।
Discussion about this post