यी कुरामा ख्याल गरौं व्यायाम गर्दा;

हामीलाई थाहा छ नियमित व्यायाम गर्नाले शरीरलाई निरोगी, बलियो बनाउनका साथै फुर्तिलो पनि बनाउँदछ । जसले गर्दा मानिसहरूमा जोस र जागर उत्पन्न हुने गर्छ त्यसैले नियमित व्यायाम गर्नु स्वास्थ्यको लागि फाइदाजनक रहन्छ । नियमित व्यायाम गरेर वा खेल खेलेर शरीरलाई स्वस्थ, फुर्तिलो र सुन्दर बनाउन सकिन्छ । रोगको प्रभाव कम गर्न सकिन्छ । रगत शुद्धीकरण र रक्तचाप सन्तुलनमा राख्न व्यायाम महत्वपूर्ण सावित हुन्छ । हाड, जोर्नी र पाचन प्रणालीलाई मजबुत बनाउन पनि यसको भूमिका रहन्छ । नियमित व्यायाम गर्नेले यी ३ कुरामा भने विशेष ध्यान पु-याउनुपर्ने हुन्छ ।

तर व्यायाम गर्ने भन्दैमा जस्तोसुकै व्यायाम भने गर्नु हुँदैन व्यायाम गर्दा विधिपूर्ण गर्नुपर्छ यदि हामी विधि नपुर्याई व्यायाम गर्दछौँ भने हाम्रो शरीर निरोगी होइन रोगी बन्न सक्छ १ त्यसैले व्यायाम गर्दा यी कुरामा ध्यान दिने गरौँ ।

सुरुवात
यदि तपाईँ भर्खर भखरै व्यायाम गर्दै हुनुहुन्छ भने पहिले दिन धरै गर्नुहोस् किनकि सुरुको दिन बढी व्यायाम गर्नाले यसले तपाइको शरीरलाई हानी गर्न सक्दछ त्यसैले सुरुको दिन ठिक्क मात्र व्यायाम गर्नुहोस् ।

उमेर
हुन् त व्यायाम गर्नु सबै उमेरका लागि फाइदाजक नै हुन्छ । तर कस्तो किसिमको व्यायाम गर्ने, कुन गतिमा गर्ने भन्ने कुरा चाहिँ उमेरले पनि निर्धारण गर्छ । त्यसैले व्यायाम गर्नुअघि विज्ञसँग परामर्श लिएर मात्र व्यायाम सुरु गर्नुपर्छ ।

डाइट
व्यायाम गर्ने नाममा सो मात्र गरेर केही हासिल हुँदैन त्यसका साथसाथै उचित डाइटको पनि आवश्यकता पर्दछ । व्यायामगरिसके पश्चात् चाँडै पचाउने प्रोटिन र कार्बोहाइड्रेट सेवन गर्नुहोस् । जसले शरीरमा एमिनो एसिड आपूर्तिका साथसाथै मांसपेशीको निर्माणमा पनि मदत पुर्याउदछ ।

वामअर्प
व्यायाम गर्नुअघि वामअर्प अनिवार्य छ, ताकि तपाईँको शरीर व्यायामको लागि पूर्णरुपमा तयार भएको होस् । यदि व्यायाम गर्नुअघि वार्मअप गर्नु भएन भने तपाईँले हानी पनि व्यहोर्नु पर्ने हुनसक्छ ।

प्रकार
तपाईँले व्यायाम जुन प्रकारको गर्दै हुनुहुन्छ, त्यसलाई विधिपूर्वक ढङ्गले गर्नुपर्छ । जुन व्यायाम, जसरी, जुन गतिमा गर्नुपर्ने हो सोही प्रकारले गर्नुहोस् । आफ्नो मर्जीले फेरबदल नगर्नुहोस् । अन्यथा तपाईँको स्वास्थ्यका लागि यो हानिकार पनि हुन सक्नेछ