आमा बन्ने उपयुक्त उमेर कति हो ?

आमा बन्नका लागि कुनै उमेर सीमा छैन । अहिलेको प्रविधिको युगमा कामकाजी महिलाहरू निकै ढिलो गरेर आमा बनिरहेका छन् । २५ वर्षपछि मात्रै होइन, ४० वर्षपछि पनि महिलाहरू आमा बनेर सन्तानलाई राम्ररी हुर्काउन थालेका छन् । करियरका कारण ढिलो बिहे गर्नु पनि आजकल महिलाहरू ढिलो आमा बन्न रुचाउनुको ठुलो कारण हो । यस्तोमा आमा बन्ने सही उमेर कति हो त भन्ने प्रश्न हामी धेरैको मनमा हुन सक्छ ।आमा बन्नको लागि सबैभन्दा राम्रो उमेर २५ देखि ३० वर्षको बिचमा हुन्छ भन्ने डाक्टरहरू मान्छन् । तर आजकल आफ्नो करियरमा ध्यान केन्द्रित गर्ने महिलाहरू ३० वर्षपछि मात्रै विवाह गर्छन् र केही वर्षपछि मात्र सन्तान जन्माउने योजना बनाउँछन् । यस्तो अवस्थामा केही शारीरिक समस्या हुन सक्छ तर यी आमा पनि अरू आमाभन्दा कमजोर देखिन्नन् ।कुन उमेरमा आमा बन्नु पर्छ ?आमा बन्ने कुनै पनि पूर्ण उमेर तोक्न नसके पनि यो पनि सत्य हो कि उमेर बढ्दै जाँदा चाहे पुरुष होस् या महिला, उनीहरूको शरीरको प्रजनन क्षमता कमजोर हुँदै जान्छ । २५ वर्षको उमेरमा प्रजनन क्षमता निकै प्रभावकारी हुन्छ र उमेर बढ्दै जाँदा यो क्षमता कमजोर हुँदै जान्छ । तर नयाँ युगमा आईभीएफ, फ्रिजिङ एग्ज प्रक्रिया आदिका कारण महिलाले पाको उमेरमा पनि आमा बन्ने खुसी पाउन थालेका छन् ।

२५ वर्षमा गर्भधारण

यो उमेरमा आमा बन्न निकै सजिलो हुन्छ, शरीर आमा बन्न तयार हुन्छ, अण्डा उत्पादन चरम सीमामा हुन्छ र आमाले पनि प्रसवको पीडा सहन सक्छिन् । तर बच्चाको पालनपोषणलाई ध्यानमा राख्दा यो उमेरकी आमा आफैँमा धेरै परिपक्व नभएकाले बच्चा हुर्काउन कठिनाइ हुने गरेको बताइन्छ । तर, सन्तान जन्माउनका लागि यो उमेर शारीरिक रूपमा निकै राम्रो छ ।

३० देखि ४० वर्षको उमेरमा आमा बन्ने

३० देखि ४० वर्षको उमेरको कुरा गरौँ । यो उमेरमा महिलाहरू आफ्नो करियरमा स्थापित भइसकेका हुन्छन् । महिलाहरू अधिक परिपक्व, बौद्धिक, आर्थिक रूपमा आत्मनिर्भर र भविष्यका लागि धेरै हदसम्म तयार हुन्छन् ।

तर यो उमेरमा महिलालाई गर्भधारण गर्न शारीरिक समस्या हुन्छ । जस्तै उर्वर अण्डाको कमी, मधुमेह आदिको समस्या हुन सक्छ । उमेर छिप्पिएर गर्भधारण गर्दा पनि प्रिक्लाम्पसिया र समय अगावै जन्मजस्ता समस्याहरू आउन सक्छन् । धेरै महिलाहरू बुढेसकालमा गर्भधारण गर्न असमर्थ हुन्छन् । तिनीहरूले आईभीएफको सहारा लिन सक्छन् । तर यो प्रक्रिया लामो र महँगो छ ।

तर अर्को दृष्टिकोणबाट हेर्ने हो भने, परिपक्व महिलाहरू अर्थात् ठुला उमेरमा आमा बन्ने महिला  आफ्ना सन्तानलाई उत्कृष्ट ढङ्गले हुर्काउन सक्षम हुन्छन् । आफ्नो बच्चालाई परिपक्व, बुद्धिमान, अनुभवी आमाको रूपमा हुर्काउँछिन् । बच्चालाई करियरमुखी बनाउन पनि सहयोग मिल्छ । उनीसँग आफ्ना बच्चाहरूको लागि उचित तर्क हुन्छ । काम र मातृत्व दुबैलाई सही तरिकाले सम्हाल्न सक्छिन् ।