थाइल्यान्ड संसारको एक प्रमुख पर्यटन स्थल हो र संसारभरका पर्यटक यहाँका सुन्दर समुद्र किनारहरू हेर्न पुग्छन् । समुद्रले घेरिएको हुनाले यहाँ वर्षभरि पर्यटकहरूको आवागमन रहन्छ ।
पर्यटन यस देशको आम्दानीको एक प्रमुख स्रोत हो र धेरै मानिस यसमा निर्भर छन् । साधरणतया थाइल्यान्डको चर्चा पर्यटनसँग मात्र गरिन्छ तर, यस देशको अन्य कारणले पनि चर्चा हुन्छ ।हालै एउटा पुस्तक प्रकाशित भएपछि थाइल्यान्डमा भाडाको श्रीमतीको प्रचलनले नयाँ बहस सुरु गरेको छ । यो अनौठो प्रचलनको जरा थाइल्यान्डको पटायाको परम्परामा छ । यहाँ मानिसहरूले भाडामा श्रीमती लिन सक्छन् । यसलाई “वाइफ अन हायर“ र “ब्ल्याक पर्ल“ पनि भनिन्छ ।
यो एक प्रकारको अस्थायी विवाह हो, जसमा कुनै युवतीलाई पैसा तिरेर केही समयका लागि श्रीमती बनाउन सकिन्छ । निर्धारित समयसम्म त्यो युवतीले श्रीमतीका सबै जिम्मेवारीहरू पूरा गर्छ । यो प्रथाले अब एउटा व्यवसायको रूप लिँदै छ ।
किताबद्वारा खुलासा
लावर्ट ए इमानुएलद्वारा लिखित “थाई टाबूः आधुनिक समाजमा श्रीमती भाडाको उदय” शीर्षकको पुस्तकले यस प्रचलनको बारेमा पूरै संसारलाई जानकारी दिएको छ । पुस्तकमा बताइएको छ कि थाइल्यान्डमा श्रीमती भाडामा लिने विवादास्पद प्रथा कसरी तीव्र गतिमा बढिरहेको छ र यो आम्दानीको एक प्रमुख स्रोत बन्दैछ । यो त्यहाँका महिलाका लागि जीविकाको एक स्रोत बन्न थालेको छ ।
र्यटकद्वारा भाडामा लिइन्छ
थाइल्यान्डमा ठूलो संख्यामा विदेशी पर्यटकहरू पुग्ने गर्छन् । देशका दुर्गम र ग्रामीण क्षेत्रका केटीहरू पैसाका लागि पर्यटकका भाडाका श्रीमती बन्छन् । यो प्रवृत्ति थाइल्यान्डको पटायाका रेड लाइट क्षेत्र, बार र नाइट क्लबहरूबाट आफ्नो व्यवसाय चलाउँछ । थाइल्यान्डमा यो व्यवसायको रूपमा तीव्र गतिमा फैलिरहेको छ ।
तीव्र गतिमा फैलिँदो व्यवसाय
थाइल्यान्डमा भाडाको श्रीमती एक विवादास्पद प्रथा हो । गरिब पृष्ठभूमिका महिला पैसा कमाउन विदेशी पर्यटकहरूका श्रीमती बन्न थाल्छन् । यो व्यवस्था कुनै औपचारिक विवाह होइन । यो एउटा अस्थायी सम्झौता हो जुन केही दिनदेखि केही महिनासम्म हुन सक्छ ।
महिलाले पैसा कमाउन र परिवारको पालनपोषण गर्न यस्ता काम गर्छन् । उनीहरू मुख्य रूपमा बार वा नाइट क्लबमा काम गर्छन् र राम्रो ग्राहक पाएमा भाडाका श्रीमती बन्छन् । भाडाको रकम महिलाको उमेर, सुन्दरता, शिक्षा र समयको आधारमा तय हुन्छ । रकम १६०० डलरदेखि १,१६,००० अमेरिकी डलरसम्म हुनसक्छ । यस प्रथालाई नियन्त्रित गर्ने कुनै कानुन थाइल्यान्डमा छैन ।
जापान र कोरियाबाट प्रेरित
थाइल्यान्डमा यो प्रथा हालै तीव्र गतिमा फैलन थालेको हो । तर, यस्तै प्रकारको सेवा जापान र कोरियामा पहिले देखा परेको थियो । थाइल्यान्डमा यसको तीव्र विकासका लागि धेरै कारण छन् ।
सहरीकरण र व्यस्त जीवनशैलीले मानिसहरूको एक्लोपन बढाएको छ । त्यसैले मानिसहरू स्थायी सम्बन्धको सट्टा अस्थायी सम्बन्ध बनाउन थालेका छन् । थाइल्यान्डको सम्बन्ध र स्वतन्त्रताप्रतिको लचिलो दृष्टिकोणले पनि यो प्रथा तीव्र गतिमा फैलन सघाएको छ ।
थाइल्यान्ड सरकारले पनि मानेको छ कि भाडाको श्रीमतीको प्रथा देशमा विद्यमान छ र पर्यटकका कारण यसले व्यवसायको रूप लिएको छ । सरकारले यस प्रथालाई नियन्त्रित गर्न कानुन निर्माण गर्न बहस गरिरहेको छ ।
Discussion about this post