बुधबार कारोबार खुलेदेखि नै नेप्से परिसूचक २५६० को टेवा विन्दु परीक्षणमा लागेको देखिएको छ।
केही समय बजार बढ्ने र घट्ने भइरहेको बजार बन्द हुँदा भने नेप्से परिसूचक चार अंकले घटेको छ। बजार घट्दा २५५२ सम्म पुगेको बजार बढेर २६०६ सम्म पुगेको थियो।
केही समयअघि विश्लेषकहरूले नेप्सेले २५६० आसपासमा दरिलो टेवा पाउने बताउँदै आएका थिए। यही कारण नेप्सेले यसमा दरिलो टेवा परीक्षण गरिरहेको देखिन्छ।
यसदिन अघिल्लो दिनको तुलनामा कारोबार रकममा पनि गिरावट आएको छ।
सोमबार सात अर्ब ३६ करोड रूपैयाँको कारोबार भएकोमा यसदिन पाँच अर्ब ६६ करोडको कारोबार भएको छ।
अघिल्लो दिनको तुलनामा कारोबार रकममा १ अर्ब ७० करोड रूपैयाँ कमी आएको हो।आज ३२० वटा धितोपत्रको एक करोड ३९ लाख ५२ हजार १२१ कित्ता सेयर किनबेच भएको हो।
बुधबार ७४ कम्पनीको सेयर मूल्य बढेको छ भने १६३ वटाको घटेको छ। यस्तै, सात कम्पनीको सेयर मूल्य स्थिर रहेको छ।
यसदिन कालिका लघुवित्तको सेयर मूल्य सर्वाधिक ८.०८ प्रतिशतले बढेर प्रतिकित्ता मूल्य एक हजार १२४ रूपैयाँ कायम भएको छ।
यसैगरी, स्वरोजगार लघुवित्तको मूल्य ७.९२ प्रतिशतले बढेर प्रतिकित्ता मूल्य एक हजार ९० रूपैयाँ पुगेको छ।
यस्तै, जनउत्थान सामुदायिक लघुवित्तको मूल्य सर्वाधिक ७.६७ प्रतिशतले घटेर प्रति कित्ता मूल्य एक हजार ५६५ रूपैयाँमा झरेको छ।
गुडविल फाइनान्सको मूल्य ६.७७ प्रतिशतले घटेको छ।
उक्त कम्पनीको प्रतिकित्ता मूल्य ८८१ रूपैयाँ कायम भएको छ।
बुधबार सिइडिबी हाइड्रोपावरको सर्वाधिक कारोबार भएको छ।
कम्पनीको प्रतिकित्ता मूल्य एक हजार ९९९ रूपैयाँमा २० करोड ५८ लाखको सेयर कारोबार भएको छ।
यो मूल्य अघिल्लो दिनको तुलनामा २.४६ प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा नेपाल फाइनान्स रहेको छ। उक्त कम्पनीको प्रतिकित्ता एक हजार ३६५ रूपैयाँ ९० पैसामा १६ करोड ९८ लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये बैंकिङ र निर्जीवन बीमा समूहको परिसूचक एक प्रतिशतभन्दा कमले बढेको छ भने बाँकी सबै समूहको परिसूचक घट्दा समग्र नेप्से घटेको हो।
यसदिन वित्त समूहको परिसूचक सर्वाधिक २.६८ प्रतिशतले घटेको छ भने दोस्रोमा लघुवित्त समूहको परिसूचक १.०७ प्रतिशतले घटेको छ।
Discussion about this post