ग्राहकलाई कुहिएको मासु बाट विरयानी बनाएर विक्रि गर्ने बुटवलको हैदराबादी मट्का बिरयानी नामले परिचित बुटवलको पुरानो बसर्पाक स्थित ‘हैदराबादी मट्का दम बिरयानी एन्ड मट्का लस्सी’ लाई बुटवल उपमहानगरपालिकाले जरिवाना गरेको छ ।
भदौ २० गते ग्राहकले विरयानी खाने क्रममा फोहोर भाडामै दिएको गुनासो पछि हैदरावादी दम बिरयानीमा बुटवल उपमहानगरपालिकाको टोलीले अनुगमन गरेको थियो ।
उपमहानगरपालिकाले सोमबार मात्र हैदरादी दम विरयानीलाई २२ हजार जरिवाना गरेको हो ।
बुटवल उपमहानगरपालिकाकी उपप्रमुख तथा अनुगमन समितिकी संयोजक सावित्रादेवी अर्यालले सञ्चालकलाइ २२ हजार जरिवाना गराइएको बताईन ।
साथै उपमहानगरपालिकाले पसललाई स्वच्छ नराख्दा सम्म र मापदण्ड पूरा नगर्दा सम्म सञ्चालनमा रोक्का लगाउने निर्णय गरेको पनि उपप्रमुख अर्यालले बताईन ।
बुटवल उपमहानगरपालिकाका अनुगमन तथा मुल्यांकन शाखाका ठगिश्वर पोखरेलका अनुसार भदौ २० गते ग्राहकको गुनासोको आधारमा हैदराबादी दम विरयानीमा अनुगमन गरिएको थियो । सो क्रममा ५६ केजी मासु र कुखुरको छाला नष्ट गरिएको थियो ।
खाद्य ऐन, २०२० ले कुनै पनि खाद्य व्यवसायीलाई जनस्वास्थ्यमा हानी नपुराउने गरी स्वच्छ, सुरक्षित, र स्वस्थ खाद्य पदार्थ उपलब्ध गराउनुपर्ने प्रावधान गरेको छ । तर, हैदरावाद दम बिरानीले यी कानूनी मापदण्डको पालना नगरेको पाईएको उपभोक्ता हित संरक्षण समिति बुटवल नगरका अध्यक्ष समुन्द्र जिसीले बताए ।
हैदरावादी दम बिरानीले सस्तो लोकप्रीयता कमाउन प्रचारमा गरेको दावी र वास्तविकतामा ठुलो फरक रहेको समेत पाइएको अनुगमनबाट देखिएको छ ।
Discussion about this post