साताको पहिलो दिन आइतबार २५.४६ अंकले घट्दै नेप्से परिसूचक २७०१.९ अंकमा कायम भएको छ ।
आइतबार ८५ कम्पनीको मूल्य बढ्दा १५७ को घट्यो । ३ कम्पनीले भने नाफाघाटा केही ब्यहोरेनन् ।
आइतबार कारोबार रकममा सामान्य वृद्धि हुँदै १० अर्ब १२ करोड पुगेको छ । बिहीबार ९ अर्ब ६५ करोड रुपैयाँ बराबरको मात्र कारोबार भएको थियो ।
तीजपछि आइतबार खुलेको कारोबारमा माइक्रोफाइनान्स समूहमा १.२१ र उत्पादन समूहमा ०.५० प्रतिशतले वृद्धि हुँदा बैंकिङ १.५८, विकास बैंक २.०७, फाइनान्स १.२४, होटल तथा पर्यटन १.४१, हाइड्रोपावर ०.६०, लगानी ०.५४, जीवन बीमा १.४२, निर्जीवन बीमा १.२८, अन्य १.३१ तथा व्यापार समूह १.२४ प्रतिशतले घटेका छन् ।
समग्र बजार घट्दा पनि चार कम्पनीको मूल्य १० प्रतिशत बढ्यो । माहुली लघुवित्त, सिर्जनशील लघुवित्त, मिडसोलु हाइड्रोपावर र मनकामना इन्जिनियरिङ हाइड्रोपावरको मूल्य १० प्रतिशत वृद्धि भएको नेपाल स्टक एक्सचेन्जले जनाएको छ ।
Discussion about this post