पुरुषले कसरी आफ्नो अनुहारलाई चम्किलो बनाउने ?जान्नुहोस्

सुन्दरताको कुरा गर्दा जहिल्यै महिलाको कुरामात्र हुने गर्छ। तर आज हामी महिलाको नभएर पुरुषको सौन्दर्यको बारेमा चर्चा गर्नेछौँ। पुरुषले कसरी आफ्नो छालाको ख्याल गर्नसक्छन् त? त्यसका बारेमा बताउन गइरहेका छौँ। हामीलाई थाहा छ कि पुरुषहरुको छाला महिलाको तुलनामा थोरै कडा हुन्छ, त्यसैले महिला र पुरुषको छालाको हेरचाह पनि फरक-फरक तरिकाले नै गर्नुपर्ने हुन्छ। तर चिन्ता नलिनुहोस्, यहाँ भनिएका केही घरेलु उपाय अपनाएर तपाइले आफ्नो अनुहारमा चमक ल्याउन सक्नुहुन्छ।

१. स्क्रब

डेड स्किन, ब्ल्याक हेड्स र व्हाइट हेड्स हटाउनका लागि सातामा कमसेकम दुईपटक स्क्रब गर्नुहोस्। यसले अनुहारमा निखार ल्याउनुका साथै छाला पनि ताजा गराउँछ। पुरुषका लागि चामलबाट बनेको स्क्रब उपयोगी हुन्छ। चामलमा भरपुरमात्रामा एन्टी-अक्सिडेन्ट पाइन्छ, जसले छालामा निखार ल्याउँछ। यसलाई बनाउनका लागि आधा कप दहीमा २ चम्चा चामलको पिठो मिसाउनुहोस्। यसरी तयार हुने पेस्ट आफूले चाहेको भागमा लगाउनुहोस् र १० मिनेटपछि पानीले पखाल्नुहोस्।

२. मेवा

मेवा पाँचन क्रियालाई सन्तुलित राख्नका साथै अनुहारबाट दाग-धब्बा हटाउनमा पनि काम आउँछ। कहिलेकाँही पुरुषको अनुहारमा कालो धब्बा देखिने गर्छ। यस्ता दाग र धब्बालाई हटाउनका लागि मेवा निकै नै उपयोगी हुन्छ। यसका लागि काँक्रो, मेवा र टमाटरको रस बराबर मात्रामा मिसाएर अनुहारमा लगाउनु। २० मिनेटपछि चिसो पानीले पखाल्नुस्। यसको लगातार प्रयोगपछि विस्तारै दाग-धब्बा हराएर जान्छ।

३. बेसन

पुरुषहरुको छाला महिलाको तुलनामा कडा हुन्छ, त्यसकारण हेरचाहका लागि मिहेनत पनि ज्यादा गर्नुपर्ने हुन्छ। बेसनबाट फेस प्याक तयार पारेर लगाउने हो भने उमेर बढेसँगै देखिने चाहुरिपनलाई रोक्न सकिन्छ। यसका लागि मन तातो पानीमा बेसन मिसाएर पेस्ट तयार पार्नुस्। यसले अनुहारलाई सफा गर्नुहोस्। एक चम्चा मह तलबाट माथितर्फ लगाउनुहोस्। आधा घण्टापछि सफा गर्नुहोस्।

४. जौको पिठो

जौको पिठोले अनुहारलाई गोरो, चम्किलो र छालालाई कोमल बनाउन मद्दत गर्छ। तपाईं जौको पिठोबाट फेस प्याक तयार गरेर लगाउन सक्नुहुन्छ।
यसका लागि जौको पिठो र महको गाढा पेस्ट बनाएर अनुहार वा तपाईंले चाहेको अंगमा लगाउनुहोस्। यो पेस्ट सुकेपछि त्यसमाथि दहीको लेपन लगाउनुस्। करिब ३० मिनेटपछि मनतातो पानीले पखाल्नुहोस्।

५.टमाटर

टमाटरमा लिकोपेन तत्व पाइन्छ, जुन छालाका लागि एन्टी-एञ्जिङकोरुपमा काम गर्छ। सौन्दर्य विशेषज्ञहरु भन्छन्, यदि अनुहारमा चमक ल्याउने हो भने टमाटरमा मह मिसाएर अनुहारमा लगाउनुहोस्। यसलाई केही दिनसम्म लगातार लगाउनुभयो भने तपाईंले छिट्टै परिवर्तन महसुस गर्न थाल्नुहुनेछ। यदि तपाईंको अनुहार बढी चिल्लो छ भने कागतिको रस पनि मिसाउन सक्नुहुन्छ। यसका लागि कागति र टमाटरको पेस्ट बनाएर आँखालाई बचाएर अनुहारका अन्य भागमा लगाउनुस्। केहीबेर रहन दिएर त्यसलाई पखाल्नुहोस्।

६. स्याउ

पुरुषहरुको छालाका लागि स्याउ निकै नै फाइदाजनक हुन्छ। स्याउको पातलो चानालाई मह र जौको पिठो मिसाएर पेस्ट तयार पार्नुस्। यसरी तयार भएको पेस्टलाई अनुहारमा लगाउनुहोस्। पेस्ट लगाएको ३० मिनेटपछि मनतातो पानीले धुनुहोस्। यसो गर्दा अनुहार आकर्षक देखिन्छ।

७. दाह्री काट्नुअघि ख्याल गर्नुहोस्

प्रायलाई सेव गर्ने समयमा समस्या हुन्छ। छाला अति नै ड्राइ हुँदा समस्या देखिने गरेको हुन्छ। त्यसैले सेव गर्दा विषेश ध्यान दिनुस्। सेविङ क्रिम अथवा कागतिको रस अनिवार्य लगाउनुस्। यसका साथै छालालाई सेविङ मेसिनले बढि असर नगरोस् भन्नेतर्फ पनि ध्यान दिनुहोस्।