एजेन्सी । व्यायामका समय हुने जाेर्नीकाे दुखाई अधिकांश मानिसहरूले बेवास्ता गर्ने गर्छन् । व्यायामकै कारण दुखाइ भएकाे हुनसक्ने अनुमानका भरमा मानिसहरू चिकित्सकिय परामर्श समेत आवश्यक ठान्दैनन् ।
जाेर्नी दुखाइ वृद्धवृद्धाहरूकाे मात्रै समस्या रहेकाे युवाहरूकाे बुझाइ छ । तर यी समस्याकाे बेवास्ता गर्नुहुँदैन । बारम्बार जाेर्नीकाे दुखाइ हुने समस्या देखिए उचित सावधानी अपनाउनुका साथै तुरून्तै उपचार गर्नुपर्ने चिकित्सकहरू बताउँछन् ।
लक्षणहरू :
याे राेगका बिरामीहरूमा प्रायः ज्वरो आउने, मांसपेसीहरूमा पीडा हुने, प्राय: थकित महसुस हुने, भोक कम लाग्ने, ताैल कम हुँदै जाने लक्षणहरू देखिन्छन् । विशेष गरी बिहानीकाे समय शरीरका विभिन्न जोर्नीहरूमा यति धेरै पीडा हुन्छ कि, चलमलाउन समेत धेरै समस्या हुने गर्छ ।
जाेर्नीमा जहाँ-जहाँ दुख्छ, त्यहाँ सुन्निनु पनि याे राेगकाे विशेषता हाे । जाेर्नीकाे वरिपरि स-साना गाँठाहरू पनि देखा पर्छन्, जहाँ हातखुट्टा चल्मलाउँदा समेत आवाज आउने हुन्छ । शरीरकाे कुनै पनि भाग चलमलाउँदा दुख्ने, पाेल्ने, सुन्निने पनि हुन्छ ।
दुखाइबाट कसरी बच्ने ?
– ताताेपानीले नुहाउने ।
– अधिक वजनका कारण घुँडा र कम्मरमा दबाब पर्ने हुँदा आफ्नो तौल सधैँ नियन्त्रणमा राख्ने ।
– यदि तपाईं यसकाे औषधि लिइरहनु भएको छ भने, त्यसलाई समयमै लिनुहोस् । यसले पीडामा राहत दिन्छ ।
– व्यायाम र योगाले पनि धेरै फाइदा पुर्याउँछ । तर यसाे गर्नका लागि विज्ञहरूकाे सल्लाह आवश्यक छ ।
– प्रशस्त पानी पिउने ।
– धम्रपान, मद्यपान त्याग्ने ।
– पोषणयुक्त आहार लिने ।
– राेगबाट छिट्टै छुट्कारा पाउन डाक्टरसँग परामर्श लिने ।
घरेलु उपचार :
– दुखाइबाट छुट्कारा पाउन जैतुनकाे तेलले मालिस गर्ने, यसले राहत दिलाउँछ ।
– स्टिम बाथ र मालिस यसका लागि धेरै फाइदाजनक हुन्छ ।
– दैनिक अदुवाकाे पाउडरले पनि दुखाइमा राहत दिन्छ ।
– याे समस्या निदानका लागि पेट सफा राख्नु पनि महत्वपूर्ण हुन्छ । त्यसकारण फाइबरयुक्त खाना खानुहाेस्, जसले बिहान पेट राम्राेसँग सफा गर्छ ।
Discussion about this post