मनोरञ्जनात्मक सामाजिक प्लाटफर्म टिकटकमा अब ६० मिनेट लामो भिडियो पनि अपलोड गर्न सकिने भएको छ ।
आफ्ना प्रयोगकर्ताको माग अनुसार नै यस्तो व्यवस्था गर्न लागिएको टिकटकले जनाएको छ तर हाललाई यो नयाँ फिचर केही सीमित बजारमा मात्र उपलब्ध गराइएको छ । छोटा भिडियो अपलोड गर्ने प्लाटफर्मका रुपमा निकै लोकप्रिय बनेको टिकटकले अब युट्युबमा जस्तै लामा भिडियो अपलोड गर्ने सुविधा दिन लागेको हो । युट्युबले सर्ट्स तथा इन्स्टाग्रामले रिल्समार्फट छोटा भिडियोमा टिकटकसँग प्रतिस्पर्धा गरिरहेका छन् ।
कुकिङका तरिका, मेकअप ट्युटोरियल, भ्लग, शैक्षिक लेसन प्लान जस्ता व्यवसायिक भिडियो बनाउने प्रयोगकर्ताका लागि भनेर यस्तो सुविधा ल्याउन लागिएको कम्पनीले जनाएको छ । यसैगरी टेलिभिजन कार्यक्रमका पूरा सो पनि टिकटक मार्फत नै प्रसारण गर्ने अवसर समेत यसले दिने जनाइएको छ । नेपालमा भने टिकटकलाई प्रतिबन्ध लगाइएको छ ।
Discussion about this post