आइतबार देखि २८ गते शुक्रबारसम्म काठमाण्डौका विभिन्न ठाउँमा बिजुली अवरुद्ध हुने भएको छ ।
नेपाल विद्युत् प्राधिकरणका अनुसार कुलेश्वर वितरण केन्द्र, कीर्तिपुर वितरण केन्द्र र जोरपाटी वितरण केन्द्र अन्तर्गतका विद्युतीय वितरण लाइन भूमिगत गर्न लागिएकोले यी तीन केन्द्र अन्तर्गत विभिन्न ठाउँमा बिहान ११ बजेदेखि दिउँसो ३ बजेसम्म विद्युत् आपूर्ति बन्द हुने भएको हो ।
आज फोर्स बसपार्कबाट तेजविनायक चोकसम्म, भोलि सोमवार सोल्टीमोडबाट रविभवनसम्म, पर्सि मङ्गलवार फोर्स बसपार्कबाट तेजविनायक चोकसम्म, बुधवार छाउनी अस्पताल क्षेत्र, बिहीवार तेजविनायक चोकबाट मानटार चोकसम्मको क्षेत्र र शुक्रवार ढाल्पाक चोकबाट राराहिल चोकसम्म बिजुली कटौती हुने नेपाल विद्युत् प्राधिकरणको सूचनामा उल्लेख छ ।
Discussion about this post