प्रकाश दुतराजको ‘फूलमाया’ बोलको गीत सार्वजनिक

‘फूलमाया’ बोलको गीत सार्वजनिक गरिएको छ।

शुक्रबार सार्वजनिक गीतमा कुलेन्द्र विश्वकर्मा र शान्तारानी परियारको स्वर छ। यसको भिडिओमा गायक प्रकाश दुतराज र मोडल अस्मिता पुरीको अभिनय छ।

एकपछि अर्को गीतबाट स्रोता/दर्शकको माया पाइरहेका प्रकाशले यो गीतमा मोडलिङ गरेका हुन्। उनको पछिल्लो हिट गीत ‘रिमै’ हो।

प्रकाशकै संगीत, बसन्त विश्वकर्माको शब्द रहेको गीतलाई एच.बि.एन किस्मतले एरेन्ज गरेका हुन्।

रामजी लामिछानेले कोरियोग्राफी एवं निर्देशनमा भिडिओ तयार भएको हो।

दुर्गा पौडेलको छायांकन रहेको भिडिओमा नवीन घर्ती मगरको सम्पादन छ। गीतलाई गुडलक नेपालले प्रस्तुत गरेको हो।

https://www.youtube.com/watch?v=2hNv11EQWa0