काठमाडौं, पुस २४। तपस्वी रामबहादुर बम्जनलाई प्रहरीले पक्राउ गरेको छ । उनी लामो समयदेखि प्रहरीको खोजीमा थिए।
उनलाई केन्द्रीय अनुसन्धान ब्युरो सीआईबीको टोलीले काठमाडौंको बुढानिलकण्ठबाट पक्राउ गरेको प्रवक्ता नवराज अधिकारीले बताए ।
सिआइबी प्रमुख एवं एआइजी किरण बज्राचार्यका अनुसार बमजन केही समयदेखि काठमाडौंमा बस्दै आएको भन्ने सूचना प्राप्त भएपछि प्रहरी नायव उपरिक्षक (डिएसपी) धर्मराज भण्डारीको नेतृत्वको टोलीले बमजनलाई पक्राउ गर्न खटिएको थियो।
उक्त टोलीले अनुसन्धान र निगरानी गरी मंगलबार बुढानिलकण्ठको हात्तीगौडास्थित घरमा रहेको भन्ने एकिन गरेपछि पुगेको डिएसपी भण्डारीको टोलीले उनलाई नियन्त्रणमा लिन सफल भएको हो।
श्रीमती र छोराछोरीसँग बस्दै आएका थिए। प्रहरी पुगेको थाहा पाएपछि उनकी श्रीमती लगायतले पनि प्रहरीलाई रोक्न कोसिस गरेका थिए भने त्यही क्रममा घरको दोश्रो तल्लाबाट हाम फालेका थिए। उनी भाग्न लागेपछि प्रहरीले उनलाई बाहिरै पक्राउ गरेको स्रोतले जनाएको छ।
बम्जनमाथि यौन शोषण, बलात्कार र आनीहरूलाई बेपत्ता बनाएको आरोप लागेको थियो। उनीविरूद्ध पाँच परिवारले उजुरी दिएका थिए।
आफ्नो आश्रममा बस्दै आएका तीन जना युवती र दुई युवालाई बेपत्ता पारेको उजुरी विभिन्न प्रहरी कार्यालयमा दर्ता भएको थियो। तीमध्ये एक जनालाई उनले सिन्धुपाल्चोकस्थित आश्रममा हत्या गरी शवसम्म बेपत्ता पारेको थियो। उनीविरूद्ध गंगामायाले बलात्कारको जाहेरी दिएकी थिइन्। सर्लाही जिल्ला अदालतमा उक्त मुद्दा विचाराधीन छ।
Discussion about this post