यस वर्षको पहिलो सूर्यग्रहण अप्रिल महिनामा लागेको छ। यस ग्रहण नेपालबाट नदेखिनुको साथै सुतक पनि मान्य भएको थिएन योसँगै मे ५ मा चन्द्र ग्रहण लाग्दै छ। ग्रहणको समयमा बालबालिका, वृद्ध वृद्धा र गर्भवती महिलाले आफ्नो ख्याल गर्नुपर्ने जनविश्वास रहेको छ।चन्द्र ग्रहणलाई खगोलीय घटना मानिन्छ।
वैज्ञानिक रूपमा भन्नुपर्दा, पृथ्वी चन्द्रमा र सूर्यको बिचमा आउँदा चन्द्र ग्रहण लाग्छ। अर्कोतर्फ धार्मिक मान्यता अनुसार राहु केतुका कारण चन्द्र ग्रहणको अवस्था सिर्जना हुने र यस्तो समयमा चन्द्रमामा संकटको समय आउन सक्दछ। यस्तो अवस्थामा गर्भवती महिलाले आफ्नो ख्याल राख्नुपर्छ। जान्नुहोस् चन्द्र ग्रहणको समयमा महिलाले गर्न हुँदैन….
चन्द्र ग्रहणले गर्भवती महिलालाई असर गर्छ कि गर्दैन ?
प्रसिद्ध पण्डित गुरुका अनुसार नेपालबाट वर्षको पहिलो चन्द्र ग्रहण देखिदैन। यस्तो अवस्थामा चन्द्र ग्रहण सुरु हुनुभन्दा ९ घण्टा अगाडि सुतक अवधि सुरु हुन्छ। तर नेपालमा ग्रहण नदेखिने भएकाले गर्भवती महिलामा यसको नराम्रो असर पर्दैन। त्यसैले आत्तिनुपर्ने अवस्था छैन। तर विदेशमा रहनु भएकाले सावधान रहन पर्ने हुन्छ।
गर्भवती महिलाले यस्ता कुरामा ध्यान दिनुपर्छ
शास्त्र अनुसार ग्रहणको समयमा गर्भवती महिलाले घरमै बस्नुपर्छ। त्यसैले चन्द्र ग्रहणको समयमा बाहिर ननिस्कनुहोस्, किनकि चन्द्र ग्रहणले आमासँगै बच्चालाई पनि असर गर्छ।गर्भवती महिलाले चन्द्र ग्रहणको समयमा चन्द्रमा हेर्नु हुँदैन। यसो गर्नबाट जोगिनुपर्छ, यसले आँखाका साथै स्वास्थ्यमा पनि नराम्रो असर पार्न सक्छ।
शास्त्र अनुसार ग्रहणको समयमा खाना खान नहुने मान्यता रहेको छ। ग्रहणको असरले खाना दूषित हुने विश्वास गरिन्छ। यस्तो अवस्थामा फलफूल खान धोएर खान सकिन्छ।गर्भवती महिलाले ग्रहणको समयमा सुई, कैँची, चक्कु जस्ता धारिलो चीजहरू प्रयोग गर्नु हुँदैन, किनभने यसले बच्चाको शारीरिक समस्याहरूमा नराम्रो प्रभाव पार्न सक्छ।ग्रहण सकिएपछि गर्भवती महिलाले गंगाको पानीमा मिसाएर स्नान गर्नुपर्छ। यसो गर्दा आमाको साथमा रहेको बच्चाबाट ग्रहणको दोष हट्छ।
Discussion about this post