आजबाट नयाँ नोट साट्न सकिने
नेपाल राष्ट्र बैंकले आजदेखि दशैं, तिहार र छठका लागि नयाँ मुद्रा सटही सुविधा उपलब्ध गराउने भएको छ । राष्ट्र बैंक अन्तर्गतको नयाँ मुद्रा व्यवस्थापन विभाग र अन्य वाणिज्य बैंकका शाखाहरू काठमाडौं उपत्यकाभित्र स्थानान्तरण गर्न सकिनेछ ।
त्यस्तै राष्ट्र बैंकले काठमाडौं उपत्यका बाहिर राष्ट्र बैंकको कार्यालय वा वाणिज्य बैंकको शाखा कार्यालयमा गएर पनि नोट साट्न सकिने जनाएको छ । राष्ट्र बैंकले हरेक वर्ष चाडपर्वमा नयाँ नोट साट्ने सुविधा उपलब्ध गराउँदै आएको छ । विगतका वर्षहरु जस्तै यस वर्ष पनि ५, १०, २०, ५० र एक सय दरका नोट साट्ने व्यवस्था गरिएको छ । प्रतिव्यक्ति १८ हजार ५ सय रुपैयाँका दरले नयाँ मुद्रा साट्ने व्यवस्था मिलाइएको राष्ट्र बैंकले जानकारी दिएको छ ।
Discussion about this post