काठमाडौं । सोनापुर मिनरल्स एन्ड आयल कम्पनीले सर्वसाधारणका लागि साधारण सेयर (आईपीओ) निष्कासन गर्ने भएको छ । बैैंकले अंकित मूल्यमा प्रिमियम थपेर आईपीओ निष्कासन गर्ने भएको छ ।
कम्पनीले सर्वसाधारणका अंकित मूल्यमा १३७ रुपैयाँ ५८ पैसा प्रिमियम थपेर प्रतिकित्ता २३७ रुपैयाँ ५८ पैसाका दरले ९७ लाख ३२ हजार ५४४ कित्ता सेयर निष्कासन गर्न लागेको छ । कम्पनीले १ अर्ब २३ करोड २० हजार रुपैयाँको १ करोड २३ लाख २०० लाख कित्ता साधारण सेयर निष्कासन गर्न लागेको छ । जसमा पहिलो चरणमा कम्पनीले उद्योग प्रभावित दाङ्ग र रोल्पा जिल्लाका स्थानीय बासिन्दाका लागि अंकित मूल्यमा १२५ रुपेयाँ प्रिमियम थपेर प्रतिसेयर २२५ रुपैयाँमा १५ लाख ३७ हजार ५२५ कित्ता सेयर निष्कासन गरेको छ ।
कम्पनीले वैदेशिक रोजगारीमा रहेका नेपालीका लागि १२ लाख १६ हजार ५६८ कित्ता, सामूहिक लगानी कोषका लागि ६ लाख ८ हजार २८४ कित्ता र कर्मचारीका लागि ६ लाख ८ हजार २८४ कित्ता बाँडफाँट गरिसकेको छ । सेयरमा स्थानीयले माग गरे अनुसार सेयरमा आवेदन नदिएपछि बाँकी रहेको सेयर समेत थप गरेर सर्वसाधारणका लागि निष्कासन गर्ने भएको छ ।
आईपीओमा १४ देखि १७ गतेसम्म आवेदन दिन सकिनेछ । उक्त अवधिमा माग अनुसार आवेदन नपरेको खण्डमा असोज २८ गतेसम्म आवेदन दिन सकिने छ । आईपीओमा न्यूनतम १० देखि अधिकतम १५ लाख कित्तासम्म आवेदन दिन सकिने छ । आईपीओमा सी–आस्वा सदस्य बैंक रहेका संस्था वित्तीय संस्था र मेरो सेयर मार्फत आवेदन दिन सकिने छ । यसको बिक्री प्रबन्धकमा एनआइएमबी एस क्यापिटल रहेको छ ।
Discussion about this post