जुत्ता लुकाएको विषयमा विवाद हुँदा बेहुली नै छाडेर फर्किए जन्ती

 भारतको बिजनौरको नजिबाबाद गढमलपुरमा जन्ती बेहुली नै छाडेर फर्किएको छ।

जुत्ता लुकाएको विषयमा विवाद बढेपछि जन्ती रित्तै फर्किएको दैनिक भास्करमा उल्लेख छ।

जुत्ता लुकाएबापत दुलही पक्षले भारतीय ५० हजार रुपैयाँ मागेको थियो। बेहुला पक्षले उक्त पैसा दिन अस्वीकार गरेपछि विवाद सुरु भयो। तर बेहुला पक्षले भने दुलही पक्षले बन्धक बनाएर कुटपिट गरेको आरोप लगाएको छ।

उनीहरूले अपशब्द तथा गाली गलौज गरेको पनि आरोप लगाएका छन्।तर बेहुलीका परिवारले भने उक्त कुरा अस्वीकार गरेका छन्। बेहुला पक्षले दाइजोमा कार माग गरेको उनीहरुको आरोप छ।