इटहरी बजारको मुख्य चोकस्थित सेन्ट्रल प्लाजामा बुधरबार बिहान भएको आगलागीपछि अहिले उद्धारका लागि नेपाली सेनाको हेलिकप्टर पुगेको छ।
भवनमा लागेको आगो बाहिरैसम्म फैलिएर ठूलो रुप लिएर नियन्त्रणमा मुस्किल भएपछि उद्धारमा काठमाडौंबाट सेनाको हेलिकप्टर गएको हो ।
उक्त आगो निभाउन इटहरी, धरान र आसपासका नगरका वारुण यन्त्र प्रयोग भए पनि बढी उचाइका कारण नियन्त्रणमा लिन मुस्किल भएको थियो ।
इटहरीमा नयाँ भवनमध्ये एक सेन्ट्रल प्लाजा १० तलाको छ । यो भवनमा क्युएफएक्स सिनेमाहल, बरण्डा होटल लगायत सुविधायुक्त पसल सञ्चालनमा थिए ।
हालसम्म आगलागीको कारण खुल्न सकेको छैन। कुनै पनि मानवीय क्षति भएको खबर पनि आएको छैन । वरपरका व्यवसायी र स्थानीयहरूलाई सतर्क रहन आग्रह गरिएको छ ।
सरकारले काठमाडौंबाट नेपाली सेनाको हेलिकप्टर पठाएर उक्त भवनमा फसेकाहरूको उद्धार गरिरहेको छ । उचाइको भवनमा आगो लागेकाले वारुण यन्त्रले निभाउन पनि कठिन भएको हो ।
Discussion about this post