शरीरलाई स्वस्थ राख्नका लागि हरेक अङ्गले सही काम गर्नु आवश्यक छ । हाम्रो अङ्गहरूको सही कार्यका लागि खाना र पानी पनि आवश्यक छ । विशेष गरी मिर्गौलाको कार्य सुधार गर्नका लागि सही मात्रामा पानीको आवश्यकता हुन्छ ।
यसले मिर्गौलालाई डिहाइड्रेट हुनबाट बचाउन सक्छ र मिर्गौलाका धेरै रोगहरूको जोखिमलाई कम गर्न सक्छ । त्यसैले दिनभरि पर्याप्त मात्रामा पानी पिउनु आवश्यक छ । आउनुहोस्, जानौं मिर्गौलालाई स्वस्थ राख्नका लागि एक दिनमा कति पानी पिउनुपर्छ र मिर्गौलाका लागि पानी किन आवश्यक छ ?
कम पानी पिउनाले मिर्गौलामा हुने समस्याहरू
यदि शरीरमा पानीको कमी हुन थाल्यो भने डिहाइड्रेशनको स्थितिमा सबैभन्दा पहिले मिर्गौलामा नराम्रो असर पर्छ । यसले शरीरमा खराब विकार पदार्थहरू जम्मा हुन थाल्छन् जसले मिर्गौलालाई क्षति पुर्याउँछन् ।
कम पानी पिउनाले मिर्गौलाको पत्थरी हुने जोखिम बढ्छ । यसका साथै युरिनरी ट्र्याक्ट इन्फेक्सन र मिर्गौला फेलिएर पनि हुन सक्छ ।
मिर्गौलालाई स्वस्थ राख्नका लागि कति पानी पिउनु पर्छ ?
स्वास्थ्य विशेषज्ञहरूका अनुसार एक स्वस्थ व्यक्तिले पूरै दिनमा ३–४ लिटर पानी पिउनुपर्छ । यद्यपि यो नियम तपाईंको लिङ्ग, काम, मौसम र शरीरमा पनि निर्भर गर्दछ ।
मिर्गौलालाई स्वस्थ राख्नका लागि दिनमा कम्तीमा ८–१० गिलास पानी पिउनु पर्छ । यसले मिर्गौलालाई युरिनलाई पातलो गरेर शरीरमा जम्मा विषाक्त पदार्थहरूलाई बाहिर निकाल्न मद्दत गर्छ ।
यस स्थितिमा कम पानी पिउनु पर्छ
यदि तपाईंलाई मिर्गौलासँग सम्बन्धित कुनै समस्या छ भने आफ्नो पानीको मात्रा डाक्टरको सल्लाह अनुसार मात्र निर्धारण गर्नुहोस् ।
मिर्गौला फेल हुँदा वा जसलाई मिर्गौला डायलिसिसको आवश्यकता पर्छ उनीहरूले कम पानी पिउनु पर्छ । धेरै पानी पिउनाले मिर्गौलामा दबाब उत्पन्न हुन्छ ।
Discussion about this post