खुर्सानीको नाम सुन्ने वित्तिकै जो कोहीको दिमागमा पिरोको याद आउँछ । धेरै पिरो खानु स्वास्थ्यका लागि फाइदा हुँदैन । चिकित्सकहरु पनि चिल्लो, पिरो, अमिलो धेरै खान नहुने बताउँछन् ।
तर पनि खुर्सानीले स्वास्थ्यलाई फाइदा पुर्याउँछ भन्ने विषयमा सवैलाई जानकारी नहुन्छ सक्छ । हरियो खुर्सानी अझ बढी फाइदा जनक हुन्छ । हरियो खुर्सानी धेरैले खानासँग रुचाउँछन् । हरियो खुर्सानीको स्वाद मात्रले पनि मानिसलाई भोक जगाउने गर्दछ ।
हरियो खुर्सानी स्वास्थ्यका लागि धेरै फाइदाजनक हुने चिकित्सकहरु बताउँछन् । दैनिक खानामा सीमित मात्रामा हरियो खुर्सानी खाने हो भने यो स्वास्थ्यलाई लाभ पुर्याउने गर्दछ । हरियो खुर्सानी खानुको फाइदा यस्ता छन्।
विभिन्न अध्ययनले हरियो खुर्सानीका थुप्रै फाइदा औल्याएका छन् । मात्रा मिलाएर खाने हो भने हरियो खुर्सानी स्वास्थ्यका लागि निकै लाभदायक रहेको ती अध्ययनको निश्कर्ष छ ।
यस्तै एक अध्ययनमा आधारित रहेर एनडीटीभीले प्रकाशन गरेको एक सामाग्रीमा हरियो खुर्सानीका यस्ता १० फाइदा उल्लेख छ ।
– हरियो खुर्सानीले रोग प्रतिरोधी क्षमता बढाउनुका साथै समग्रमा स्फुर्त राख्न मद्दत गर्छ ।
– यसले नाकको रक्तसन्चारलाई सहज बनाउने हुँदा रुघा, पिनासबाट जोगिन मद्दत पुग्छ ।
– यसले शरीरमा गर्मी उत्पन्न गराउने हुँदा कुनै पनि प्रकारका दुखाईमा कमी आउँछ ।
– शरीरलाई आवश्यक भिटामिन सी’को परिपूर्ति गर्छ ।
– यसले इन्डोर्फिन रसायन उत्पन्न गराई इन्जाइमलाई बढाउँछ, जसले मानिसको परिवर्तित भइरहने स्वभावमाथि नियन्त्रण गर्छ ।
– हरियो खुर्सानी ब्लड सुगरका विरामीका लागि त अत्यन्त लाभदायक छ । यसले शरीरमा ब्लड सुगरको मात्रालाई सन्तुलनमा राख्न ठूलो मद्दत पु-याउँछ ।
– आइरनको कर्मी परिपूर्तिका साथै आँखा पनि तेजिलो बनाउन सहयोग पुग्छ ।
– छालासँग सम्बन्धित संक्रमण रोक्न सहयोग पु-याउँछ ।
– घाउबाट हुने रक्तश्राव रोक्न सघाउँछ ।
– हरियो खुर्सानीमा पर्याप्तमात्रामा बेटा क्यारोटिन भनिने एन्टिअक्सिडेन्ट हुने भएकाले ह्रृदयसँग सम्बन्धित प्रणालीलाई चुस्त राख्छ ।
Discussion about this post