पसिना गन्हाउने समस्याबाट कसरी पाउने छुटकारा ?

गर्मीको समय लागेसँगै पसिनाले सबैलाई सघाउँछ । गर्मीका पसिना आउनू समान्य हो तर कतिपयलाई पसिना गन्हाउने समस्या हैरान गरेको हुन्छ । पसिना आएर गन्हाउनेहरुले यस्तो समस्या ले धेरैको साथीसर्कलमा बस्न निकै गाह्रो हुन्छ ।

अत्याधिक पसिना आउनुलाई चिकित्सकको भाषामा हाइपरहाइड्रोसिस भनिन्छ । यो अवस्था दुई कारणले हुन सक्छ । पहिलो, प्राकृतिक रूपमा शरीरमा अत्याधिक पसिना आउनु र दोस्रो, बाहिरी अवस्थाका कारण अत्याधिक पसिना आउनु ।

हाइपरहाइड्रोसिसले शरीरको एक विशेष भागलाई बढी असर गर्छ, जसको अर्थ त्यो भागमा अन्य भागहरू भन्दा बढी पसिना आउँछ । यसमा सबैभन्दा सामान्य शरीरका अंगहरू अन्डरआर्महरू हुन् । यसका साथै हात खुट्टामा अत्याधिक पसिना आउने समस्या पनि हुन सक्छ ।

कसरी छुटकारा पाउने ?
१. डिओड्रेन्टको प्रयोग

२. दिनमा दुईपटक एप्पल साइडर भिनेगरको प्रयोग गर्ने

३.कागतीको प्रयोग

४. नियमित रुपमा काँखीका रौँहरु हटाउने

५.नियमित रुपमा पानी प्रयोग गरेर काँखी पखाल्ने

छालाको सतहमा हुने पसिना ग्रन्थीहरूबाट पसिना आउँछ । शरीरमा दुई प्रकारका एक्क्राइन र एपोक्राइन ग्रन्थीहरू हुन्छ । एक्क्राइन ग्रन्थीले छालाको सतहमा पसिना ल्याउँछ भने शरीरमा गन्ध पैदा गर्नेमा एपोक्राइन ग्रन्थी जिम्मेवार हुन्छ । एपोक्राइन ग्रन्थीले पसिना उत्पादन गर्छ र सो पसिनामा छालाको ब्याक्टेरियाको सम्पर्कमा आएर दुर्गन्ध पैदा गर्छ ।

पसिनाको दुर्गन्ध आउने धेरै कारण हुन्छन् । शरीरमा लागेका केही रोगहरूका कारण पनि पसिनामा दुर्गन्ध आउँछ । मधुमेह, मनोपोज, बाथ, थाइराइड, कलेजोको रोग, मिर्गौलाको रोग र सङ्क्रामक रोगका कारण पसिना गन्हाउँछ ।

मधुमेहको समस्या भएका मानिसमा पसिनाको गन्धमा परिवर्तन भइरहेमा यसलाई मधुमेहको केटोएसिडोसिसको सङ्केत मानिन्छ । किटोनको मात्रा उच्च भएका कारण रगत एसिडिक हुन गई पसिनाबाट गन्ध आउँछ । कलेजो र मिर्गौलामा समस्या हुँदा शरीरमा टक्सिनको मात्रा जम्मा हुन जान्छ र दुर्गन्ध पैदा हुन्छ । यसबाहेक केही औषधिको सेवन, सप्लिमेन्ट तथा केही खानेकुराहरूको सेवनले पसिनामा दुर्गन्ध आउँछ ।

लसुन, प्याज, बन्दा, ब्रोकाउली, काउली, रातो मासु, क्याफिन, मसालेदार खानेकुरा र रक्सीको सेवनले पनि पसिना गनाउने समस्या हुने वा पहिलादेखि समस्या भएकामा समस्या थप बढाउने सक्छ ।