गर्मीमा वर्षाले राहत ल्याए पनि लगातार बदलिँदो मौसमले छालामा समस्या निम्त्याउँछ । गर्मी महिनामा छालाका विभिन्न समस्या देखिने गर्छन्। छालामा देखिने समस्यामध्ये फंगल इन्फेक्सन एक हो। स्वास्थ्यदेखि छाला सम्बन्धी समस्याले निरन्तर सताउने गरेको छ ।बदलिँदो मौसममा मानिसलाई छालामा चिलाउने, फंगल इन्फेक्सनलगायत छालाको समस्या हुन्छ ।
फंगल इन्फेक्सन के कारणले हुन्छ?
गर्मी महिनामा पसिना धेरै आउने हुँदा यो समस्या देखिन्छ। गर्मीमा चिपिक्क परेको लुगा लगाउने, धेरै बेरसम्म जुत्ता लगाइराख्ने र मोटा मान्छेलाई यो समस्या धेरै देखिन्छ। शरीरको कापकापमा धेरै बेरसम्म पसिना आइराख्यो भने पनि यो समस्या हुन्छ। डाइपर लगाउने बच्चामा पनि डाइपर लगाउने भागमा काछ लाग्नेगर्छ। मोटो बच्चाकामा घाँटीमा यस्तो समया बढी देखिन्छ।
गर्मीमा यसरी गर्नुहोस् छालाको स्याहार
गर्मी होस् वा जुनसुकै मौसम, सधैँ सुती कपडाले बनेको लुगा लगाउनुहोस्। यसले पसिना सजिलै सोस्छ। यस अवस्थामा पुरुष र बालबालिकाले भित्र भेस्ट लगाउनुपर्छ।
तातो वा आर्द्र मौसममा गल्तीले पनि टाइट लुगा नलगाउनुहोस् किनभने यसले छालामा रगड्छ र चिलाउने वा फङ्गलको गुनासो निम्त्याउँछ। कडा कपडामा छालाले सास फेर्न सक्दैन।
दिनमा कम्तीमा दुई पटक नुहाउने प्रयास गर्नुहोस् किनभने यसो गर्दा गर्मी हुँदैन र छालासँग सम्बन्धित धेरै समस्याहरूको जोखिम पनि कम हुन्छ।
यदि तपाईँ चाहनुहुन्छ भने नुहाउने पानीमा नीम, तुलसी वा गुलाबको फूल मिसाएर नुहाउन सक्नुहुन्छ। यसमा पाइने एन्टिअक्सिडेन्ट वा अन्य गुणहरूले छालालाई पिम्पल, चिलाउने र दागहरूबाट जोगाउँछ। आयुर्वेदका अनुसार यी जडीबुटीमा एन्टीब्याक्टेरियल गुण हुन्छ जसले छालाको समस्यालाई प्राकृतिक तरिकाले निको पार्छ।
Discussion about this post