काठमाण्डौ महानगरपालिकाले काठमाडौं भित्रिने र काठमाडौंबाट बाहिरिने लामो दूरीका सवारीसाधन नयाँ बसपार्कबाट मात्र सञ्चालन गर्ने निर्णय गरेको छ।
अब्यवस्थीत यातायात सन्चालन हुदा सर्वसाधारणका काम कार्वाही समेत प्रभावित हुने गरी अस्तब्यस्त भएको भन्दै महानगरपालिकाले सरोकारवालाहरु संगको सहमतीमै यस्तो निर्णय गरेको हो। बैठकमा उपत्यकामा चल्ने लामो र छोटो दुरीमा चल्ने यातायात ब्यवसायी कम्पनीका प्रतिनिधीहरु सहभागी थिए।
शुक्रबार काठमाडौं महानगरपालिकाका प्रमुख बालेन शाहको अध्यक्षतामा बसेको सरोकावालाको बैठकले एक बसपार्क नीति कार्यान्वयन गर्ने प्रस्तावलाई सहमती जनाएको महानगरपालिकाका माथि छलफल गर्दै यस्तो निर्णय गरेको ट्राफिक व्यवस्थापन सल्लाहकार जगतमान श्रेष्ठले बताए।
यो निर्णय संगै गोंगबुस्थित नयाँ बसपार्कबाहेक अन्यत्र ठाउँमा यात्रु चढाउन र ओराल्न पाइने छैन। अहिले गोंगवु बसपार्क बाहिरको सडक किनारसंगै बल्खु, कलंकी चावहिल,गौसाला लगायताका क्षेत्रमा यात्रु ओराल्ने र चढाउने काम हुदै आएको छ।
बैठकले महानगरभित्रका अवैध टिकट काउन्टर हटाउने निर्णय पनि गरेको छ। यसले बिशेष गरी गौशाला र सुन्धारा लगायतका क्षेत्रमा रहेका होटलमा बस्ने आन्तरिक पर्यटकहरुलाई भने मर्का पर्ने छ।
महानगरका अनुसार काठमाडौंमा दैनिक करिब सात सय संख्यामा यात्रुवाहक सवारीसाधन प्रवेश गर्ने र सोही संख्यामा बाहिरिने तथ्यांक महानगरपालिका संग छ। गोंगवुमा रहेको नयाँ बसपार्कमा ७५० वटा सवारीसाधन व्यवस्थापन गर्ने क्षमता छ।
बसपार्कमा लगाइने शुल्क अध्ययन गर्न महानगरका ट्राफिक व्यवस्थापन सल्लाहकार जगतमान श्रेष्ठको संयोजकत्वमा ८ सदस्यीय समिति गठन गरिएको छ।
समितिको सदस्यमा महानगर प्रहरी बलका प्रमुख, नेपाल यातायात व्यवसायी राष्ट्रिय महासंघ, उपत्यका, ट्राफिक प्रहरी कार्यालय, जिल्ला प्रहरी परिसर काठमाडौं, जिल्ला प्रशासन कार्यालय, यातायात व्यवस्था कार्यालय, बसपार्क सञ्चालक कम्पनी ल्होत्से बहुउद्देश्यीय प्रा.लि. र सार्वजनिक यातायात केन्द्रीय महासंघ नेपालका प्रतिनिधि सदस्य छन्।
Discussion about this post